Bllokuan rrugën për aheng familjar, policia në Prizren u shqipton gjobë prej 300 eurove

Policia në Prizren ka pranuar ankesë nga qytetarët për bllokim të rrugës “Alush Kryeziu” në të dy shiritat e qarkullimit, nga organizatorët e një gazmendi familjar.

“Njësiti patrullues i Stacionit Policor të Prizrenit ka intervenuar në vendin e ngjarjes, ku ka identifikuar personin përgjegjës, i cili ka prezantuar një leje komunale për përdorim të njërës korsi nga ora 09:30 deri 10:30. Megjithatë, rruga ishte bllokuar në tërësi dhe jashtë afatit të lejuar.

Policia ka shqiptuar gjobë në vlerë prej 300 eurove sipas legjislacionit në fuqi dhe ka liruar rrugën për qarkullim normal të automjeteve”, thuhet në njoftimin e Policisë. /Zëri