“Çdo familje meriton përgjigje”, Prattipati bën homazhe për të zhdukurit

E ngarkuara me punë e Shteteve të Bashkuara të Amerikës, Anu Prattipati, ka bërë homazhe te Monumenti i Personave të Zhdukur me rastin e shënimit të Ditës Ndërkombëtare të të Zhdukurve me Forcë.

Ambasada Amerikane në një postim në llogarinë e saj në Facebook shkroi se solidarizohen me familjet e të zhdukurve.

“Ne solidarizohemi me familjet e tyre dhe riafirmojmë angazhimin tonë për të vërtetën dhe drejtësinë. Çdo familje meriton përgjigje për fatin e të dashurve të tyre”, thuhet në postim.