Haxhiu: Sot mund të jetë seanca e fundit

Nënkryetarja e Kuvendit të Kosovës, Albulena Haxhiu pak para nisjes së seancës, ka thënë se kjo mbledhje mund të jetë e fundit.

Kjo pasi sipas saj, nëse dështon shorti për të zgjedhur nënkryetarin e pestë nga komuniteti serb, atëherë nuk ka arsye për t’u mbledhur pas 48 orëve.

“Sot mund të jetë seanca e fundit, për shkak se nëse sot të gjithë hedhen në short dhe nuk ka tjetër që pret, atëherë nuk ka arsye që të mblidhemi pas 48 ore”, tha Haxhiu, transmeton Zeri.info.

Haxhiu fajin për moskonstituim të Parlamentit, ia vuri ish-opozitës. AJo tha se derisa për të votonin kundër, për kandidatët e Listës Serbe po abstenojnë.

“Për mua ka qenë e papranueshme për disa që ngrinin dorën lartë e më lartë për mua, që votonin kundër meje, por për Listën serbe abstenojnë, kjo nuk ka logjikë, kjo është e papranueshme, por po ua lë atyre”, tha Haxhiu. /Zëri