Momente tensioni në Sllatinë, ulja e avionit nga Gjeneva dështon për shkak të stuhisë

Një stuhi e fuqishme ere ka përfshirë sot Kosovën dhe rajonin, duke shkaktuar probleme serioze edhe në trafikun ajror.

Në Aeroportin Ndërkombëtar të Prishtinës dhe në atë të Tiranës, erërat e forta kanë ndikuar në vonesa dhe vështirësi gjatë uljes së aeroplanëve.

Në një video të shpërndarë në rrjetet sociale shihet një aeroplan që tenton të ulet në pistën e aeroportit të Prishtinës, por për shkak të erës së fuqishme detyrohet të ngrihet sërish. B

Bëhet fjalë për një fluturim nga Gjeneva, i cili është detyruar të qëndrojë në ajër deri në përmirësimin e kushteve atmosferike.