Fotoreporteri danez Thomas Sjorup, i gatshëm të dëshmojë për krimet që Serbia kreu në Kosovë

Për krimet që Serbia kreu mbi popullatën civile të Kosovës dhe gjenocidin e bërë i gatshëm është të dëshmojë edhe fotoreporteri danez Thomas Sjorup, i cili sot promovoi librin e tij “Kosovo at War” në Prishtinë.

Teksa falënderoi qytetarët e Kosovës për ngrohtësinë, ai tha pavarësisht se drejtësisë i takon të gjykojë krimet e luftës, megjithatë është i gatshëm të rrëfejë gjithçka që pa me sytë e tij e çka përjetoi gjatë masakrave serbe që u kryen në popullatën shqiptare.

“Shumë njerëz më merrnin në dhomat e tyre, më jepnin ushqim, më tregonin historitë e tyre, më linin t’i fotografoja jetët e tyre, dhe kjo është, e dini, ajo që unë e kujtoj më shumë. Sigurisht që të gjitha ato histori të këqija, që të gjithë i dimë se kurrë nuk do të na duhet t’i përjetojmë. Por, e dini, takimi me njerëzit, dhe gjithashtu gjithë ajo ngrohtësi që kam pasur më pas nga njerëzit që më ftonin nga Kosova, më falënderonin që isha këtu, dhe gjithashtu si sot, ka shumë rëndësi për mua. Dhe unë jam vërtet mirënjohës për këtë. Sa i përket çështjes së krimeve të luftës, unë mendoj se kjo është diçka që ata duhet ta vendosin vetë. Unë po flas vetëm për atë që pashë, dhe nëse dikush dëshiron të më pyesë diçka në lidhje me atë që përjetova, ata janë gjithmonë të mirëseardhur, mund të më thërrasin ose çfarëdo, unë jam i gatshëm. Por triumfin, do t’ia lë ligës”, theksoi ai. /EO