“Thaçi u nervozua nga një fotograf në Rambuje, thoshte se Serbia mund t’i përdorë fotot kundër tij”
Juristi Paul Williams po vazhdon dëshminë e tij në Hagë.
Rreth konferencës së Rambujesë, Willimasi tha se ish-presidenti Hashim Thaçi nuk donte assesi t’i prishte negociatat.
I pyetur nëse nga Thaçi kërkohej që fillimisht të konsultohej nga komandantët e UÇK-së, ai tha se nuk ishte në dijeni për një gjë të tillë.
Ai u pyet nëse Adem Demaçi ishte i kërcënuar gjatë konferencës së Rambujesë, Williamsi tha se nuk ishte informuar se nëse kishte kërcënime të drejtpërdrejta nga një person adekuat.
Megjithëse, sipas juristit, i stresuar dhe në ankth u pa në atë kohë Hashim Thaçi, nga një fotograf.
“Kishte një rast, kur një fotograf hyri të iu bënte fotografi në kështjellën ku po bëheshin negociatat, Hashimi u nervozua shumë, u stresua, pasi ai bëri lidhje se fotot që do shkrepeshin aty do të përdoreshin nga Serbia dhe do ta shënjestronin atë”, tha Williamsi.
Sipas Willimasit, ky ankth dhe stres është i kuptueshëm, pasi sipas tij, Thaçi po mbante barrën si përfaqësues i delegacionit.
Williamsi është dëshmitari i dytë i thirrur nga mbrojtja e Thaçit, derisa i pari ishte ish-diplomati James Rubin. Gjithsej janë 11 dëshmitarë që janë thirrur për të dëshmuar nga mbrojtja e ish-presidentit Hashim Thaçi.
