Rritja e trupave të EULEX-it për zgjedhje, Ramadani: Sa herë rritet ky mision, merret një copë sovraniteti
Njohësi i çështjeve të sigurisë, Burim Ramadani, ka reaguar pas njoftimit të EULEX-it për shtim të trupave për shkak të zgjedhjeve lokale, duke thënë se sa herë që rritet EULEX-i, merret një copë sovraniteti.
Ramadani, përmes një postimi në rrjetin social Facebook, ka thënë se sa herë rritet EULEX-i, merret “një copë” sovraniteti, raporton Zeri.info.
Postimi i plotë:
Sa herë rritet EULEX-i, na merret “një copë” sovraniteti.
EULEX-i njoftoi se sërish ka rritur trupat policore, tash përkohësisht për zgjedhjet lokale.
Pse EULEX-i po rritet për sigurinë e zgjedhjeve lokale?
Si u bë që Kosova nuk qenka e aftë për të siguruar mbarëvajtjen e zgjedhjeve vetë?
A e dini që EULEX-i nuk e njeh shtetin e Kosovës?!
Rrjedhimisht, kushdo që ju shet përralla për sovranitet - përplasjani fytyrës faktin që u fuqizuar EULEX-i!
Nëse kanë një të tillë!
