Edhe Limaj i përgjigjet pozitivisht ftesës së Presidentes
Aktuale
October 30, 2025 - 12:14
Kreu i Nismës, Fatmir Limaj, do të marrë pjesë në takimin e thirrur për nesër në orën 12:00 nga presidentja Vjosa Osmani.
“Po, do të marrim pjesë”, tha Limaj për gazetën Blic.
Përpos Limajt, pjesëmarrjen në takim e ka konfirmuar edhe kryetari i PDK-së Memli Krasniqi, ai i LDK-së Lumir Abdixhiku, si dhe kryetari i AAK-së Ramush Haradinaj.
Presidentja e Kosovës Vjosa Osmani i ka ftuar në takim liderët e partive politike për të premten në orën 12:00, pasi mandatari për kryeministër Albin Kurti nga radhët e Lëvizjes Vetëvendosje nuk arrit që në seancën e 26 tetorit t’i sigurojë 61 vota dhe kështu të formohet qeveria e re.
