Murati ia atribuon partisë së tij zhbllokimin në Prishtinë

Kuvendi Komunal i Prishtinës gjatë së enjtes ka mbajtur një seancë të jashtëzakonshme ku është diskutuar për buxhetin.

U arrit konsensus dhe u votua bartja e të hyrave vetanake, shkruan Zeri.info.

Këtë gjë ministri në detyrë i Financave, Hekuran Murati ia ka atribuar partisë së tij.

“Sot, asamblistët e Lëvizjes Vetëvendosje e votuan bartjen e të hyrave vetanake në Kuvendin Komunal të Prishtinës.

Pra atë që nuk e bëri Lumir Abdixhiku dhe LDK-ja në Kuvendin e Republikës së Kosovës, e bëri Lëvizja Vetëvendosje në Kuvendin Komunal, për të zhbllokuar pagesat për shërbimet esenciale publike.

Sepse, siç është vërtetuar tash e sa herë, për Lëvizjen Vetëvendosje interesat e qytetarëve çdoherë kanë prioritet”, shkroi ai./Zëri