“Liria ka emër” mban konferencë për media

Platforma “Liria ka emër” sot do të mbajë konferencë për media.

Ajo do të zhvillohet nga ora 13:30.

Ende nuk dihet tema e kësaj konference, porse veteranët e UÇK-së që kishin planifikuar që më 17 shkurt të mbajnë një protestë në Prishtinë, kundër procesit gjyqësor në Hagë u tërhoqën pasi mësuan se diçka të ngjashme do të bëjë grupi “Liria ka emër”.

Për të shprehur pakënaqësi ndaj gjykimit, që po cilësohet si i padrejtë ndaj katërshes së UÇK-së, protesta masive u mbajtën në Prishtinë, Tiranë, Shkup, Hagë e Strasburg.