Dëshmitari i radhës zyrtar i ZPS-së, merret me hetimin e forenzikës digjitale
Aktuale
March 04, 2026 - 13:57
Në Dhomat e Specializuara të Kosovës (DHSK) në Hagë ka filluar dëshminë dëshmitari i tretë i Prokurorisë në gjykimin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit në rastin kundër administrimit të drejtësisë.
Ky dëshmitar quhet Chrisopher Kelly dhe e pohoi se punon me kohë të pjesshme në Dhomat e Specializuara të Kosovës (DHSK) në Hagë, raporton “Betimi për Drejtësi”.
Ai tha se në kuadër të kontratës së tij, punon për Zyrën e Prokurorit të Specializuar.
“Hetim i forenzikes digjitale”, tha Kelly për punën që e bën për ZPS-në.
Ai shtoi se rreth 26 vjet ka përvojë punë në këtë fushë. Tha se përveç ekzaminimeve kompjuterike dhe telefonike, kjo punë përfshinë edhe programimin me “cellebrite” dhe “magnet”.
