Kuvendi i kërkon falje OVL UÇK-së për mosftesën në seancën solemne
Aktuale
March 05, 2026 - 18:16
Sot më 5 mars, për ndër të Epopesë së UÇK-së, Kuvendi i Kosovës ka mbajtur seancë solemne.
Pos, krerëve të shtetit, të pranishëm kishte edhe mysafirë duke filluar nga familja legjendare Jashari, pjesëtarë të korit diplomatik e të tjerë.
Aty munguan përfaqësuesit e OVL-UÇK-së të cilët reaguan edhe për mosftesë në këtë seancë.
Por, siç merr vesh Klan Kosova, përmes një email-i, Kuvendi i Kosovës i ka kërkuar falje kësaj organizate.
Epopeja e lavdishme e Ushtrisë Çlirimtare të Kosovës, mbahet më 5, 6 dhe 7 mars duke kujtuar lavdinë dhe sakrificën e komandantit legjendar Adem Jashari, bashkë me familjen e tij, manifestim që kulmon me datën 7 me “Natën e zjarreve” në Prekaz.
