Kaja Kallas: Marrëveshjet për Kosovën, hap i rëndësishëm për qytetarët

Përfaqësuesja e lartë e BE-së për politikë të jashtme dhe siguri, Kaja Kallas, ka përshëndetur marrëveshjet e arritura për regjistrimin civil dhe Ligjin për të Huajt, të cilat i cilësoi si “një hap të rëndësishëm përpara për të mirën e të gjithë qytetarëve në Kosovë”.

Ajo shtoi se është e rëndësishme të sigurohet vazhdimësia në ofrimin e shërbimeve publike. Kallas vlerësoi se këto marrëveshje krijojnë një moment të ri për Dialogun Beograd–Prishtinë dhe shprehu gatishmërinë për të organizuar së shpejti një takim të nivelit të lartë.

Shefja e diplomacisë evropiane falënderoi të gjithë ata që u angazhuan në mënyrë konstruktive për realizimin e këtyre marrëveshjeve dhe theksoi se zbatimi i marrëveshjeve të mëparshme në kontekst të dialogut mbetet jetik.

Today’s agreement on civil registration and the Law on Foreigners marks an important step forward for the benefit of all people in Kosovo. It is essential to ensure continuity in delivery of public services.

Thank you to everyone who engaged constructively to make this possible.…

— Kaja Kallas (@kajakallas) March 14, 2026