Hargreavesi takon studentët kosovarë pas studimeve në Britani: Janë kthyer me aftësi unike në fusha të ndryshme

Ambasadori britanik në Kosovë, Jonathan Hargreaves ka pritur në takim të rinj nga Kosova të cilët janë rikthyer pas studimeve në Mbretërinë e Bashkuar.

Hargreavesi përmes një postimi në rrjetin social Facebook, është shprehur i emocionuar për kontributin e të rinjve në shoqëri.

“Studiuesit tanë më të fundit të shkëlqyer të bursës Chevening erdhën për një çaj pasditeje në Rezidencën time. Studimet në Britani i kanë kthyer ata në Kosovë me aftësi dhe njohuri unike në fusha të ndryshme si inteligjenca artificiale, industria e filmit, terapia e të folurit dhe ekonomia e mirëqenies. Jam i emocionuar të ndjek kontributin e tyre në shoqëri, ndërsa i bashkohen komunitetit tonë të mrekullueshëm të alumnëve Chevening”, ka shkruar ai në Facebook.