Policia largon protestuesit deri te sheshi “Zahir Pajaziti” [foto]

Policia e Kosovës i ka larguar protestuesit nga sheshi më i afërt me Kuvendin e Kosovës, “Skënderbeu”, duke i përzënë deri te sheshi i fundit në bërthamën e katër shesheve qendrore të Prishtinës, “Zahir Pajaziti”.

Gjatë përpjekjeve të policisë për t’i shpërndarë protestuesit sa më larg ndërtesës së Kuvendit, protestuesit hodhën shishe qelqi dhe mjete piroteknike në drejtim të tyre.

Siç raporton REL, sheshet nga ai “Skënderbeu” deri tek “Zahir Pajaziti” janë zbrazur, teksa policia vazhdon të përdorë gaz lotsjellës dhe sprej ndaj protestuesve që tentojnë të kthehen në sheshe nga rrugët anësore.