Infektuar: 15472
Shëruar: 13278
Vdekur: 622
TikTok humbi titullin e aplikacionit më të shkarkuar

TikTok humbi titullin e aplikacionit më të shkarkuar

Auto&Tech July 22, 2020 - 18:10

Për muaj të tërë, TikTok ka qenë aplikacioni më i shkarkuar i iPhone. Ky aplikacion i kënaqi të rinjtë, dhe gjatë pandemisë së coronavirusit, ai ishte një nga “burimet” e argëtimit për shumë njerëz.

Sidoqoftë, sipas të dhënave të kompanisë analitike Sensor Tower, në periudhën nga 1 prilli deri më 30 maj, vendi i aplikacionit më të njohur u fitua nga Zoom, një aplikacion video konferencash.

Zoom është shkarkuar 94 milionë herë, ndërsa TikTok ka 71 milionë shkarkime.

Analistët tregojnë se ky sukses është i jashtëzakonshëm sepse është e rrallë që aplikime të tilla “serioze” të tejkalojnë më shumë se 50 milionë shkarkime.

Zakonisht, numra të tillë mbresëlënës rezervohen për lojëra video ose rrjete sociale.

Nëse shkarkimet nga të dy dyqanet – App Store dhe Google Play Store – janë të kombinuara, atëherë shohim që Zoom, TikTok dhe video loja Pokemon GO i përkasin klubit elitar të aplikacioneve që tejkaluan më shumë se 300 milionë shkarkime. /Telegrafi/