Facebook-u ndalon “zërin e Trumpit” nga platforma

Facebook ka hequr një video të ish-presidentit amerikan Donald Trump nga faqja e gruas së djalit të tij, Lara Trump.

Gjiganti i mediave sociale ndaloi Trump nga platforma e tij në janar pas trazirave nga mbështetësit e tij në ndërtesën e Kongresit në Washington.

Lara Trump, një bashkëpunëtore e re e Fox News, postoi një video të saj duke intervistuar Trumpin për një sërë çështjesh, transmeton Klan Kosova.

Ajo më vonë postoi një screenshot të një emaili që mori nga Facebook duke e paralajmëruar atë për ndalimin, raporton BBC.

“Në përputhje me bllokun që vendosëm në llogaritë e Donald Trump në Facebook dhe Instagram, përmbajtja e mëtejshme e postuar me zërin e Donald Trump do të hiqet dhe do të rezultojë në kufizime shtesë në llogari”, lexohet në një email nga “Katelyn”.

Lara Trump, e cila është e martuar me djalin e Trumpit, Eric, në vend të kësaj postoi intervistën për shfaqjen e saj në internet The Right View në platformën video Rumble dhe u lidh me të nga faqja e saj në Facebook.