Makina fluturuese realizon udhëtimin e saj të parë
Një makinë fluturuese arriti që të kryejë fluturimin e saj të parë ndërqytetas. Mjeti u nis nga Nitra dhe përfundoi udhëtimin në Bratisllavë (Sllovaki), brenda 35 minutash.
“AirCar Prototype 1” ka një motor BMW prej 160 kuajsh fuqi, që e lejon të arrijë një shpejtësi deri në 160 km/h. Makina fluturuese është ideuar nga profesori Stefan Klein dhe është prodhuar nga kompania sllovake KleinVision.
Një video tregon se si makina ngrihet në fluturim dhe se si kthehet sërish në makinë pasi zbret në tokë, në kryeqytetin sllovak.
Prodhuesit e AirCar, që deri tani ka zhvilluar 40 orë fluturime testimi, thonë se ky mjet është ideal për udhëtime në çift ose si taksi.
Ende nuk dihet çmimi i makinës fluturuese, që pritet të dalë në shitje vitin e ardhshëm. /A2
https://a2news.com/wp-content/uploads/2021/06/makina-video.mp4
