Infektuar: 56118
Shëruar: 49432
Vdekur: 1411
Biden: Çdo amerikan duhet të mbajë maskë

Biden: Çdo amerikan duhet të mbajë maskë

Bota August 13, 2020 - 23:17

Kandidati demokrat për president të SHBA-së, Joe Biden, bëri thirrje sot për një mandat mbarëkombëtar të përdorimit të maskave sanitare në SHBA, me qëllim frenimin e përhapjes së COVID-19.

“Çdo amerikan duhet të mbajë një maskë kur është jashtë shtëpie për minimumi tre muajt e ardhshëm”, tha Biden në një konferencë shtypi.

“Le të nxjerrim një mandat për përdorim mbarëkombëtar të maskave, duke filluar menjëherë dhe do të shpëtojmë jetë”, shtoi ai.

Ish-zëvendëspresidenti tha se masa mund të shpëtojë më shumë se 40 000 jetë në tre muajt e ardhshëm dhe vuri në dukje se më shumë se 165 000 persona kanë vdekur tashmë në SHBA.