Duke nisur nga nesër, Franca në karantinë për të paktën 1 muaj

Qeveria franceze ka vendosur që duke nisur nga nesër, I gjithë vendi të futet në karantinë për të paktën një muaj.

Sipas mediave vendase, karantina do të jetë më e butë se ajo që kaloi thuajse e gjithë bota në pranverë.

Masa e re e qeverisë vjen pas disa ditësh rekord sa i përket numrit të infektimeve.

Gjatë 24 orëve të fundit, Franca ka regjistruar 33,417 raste të reja infektimi, ndërsa 148 persona u futen në terapi intensive, përcjell Ora News.

Nga nisja e pandemisë, shteti transalpine numëron afro 1.2 milionë infektime dhe mbi 35 mijë viktima.

Kështu, Franca futet mes 5 vendeve më të goditura në botë nga koronavirusi dhe i pari në Europë.