Tre persona të vrarë nga sulmi me armë në qendrën tregtare në Kopenhagë
Bota
July 04, 2022 - 07:59
Tre persona janë vrarë dhe tre të tjerë janë në gjendje kritike pas të shtënave në një qendër tregtare në Kopenhagë, ka thënë policia në Danimarkë.
Një 22-vjeçar danez u arrestua pas të shtënave në qendrën tregtare Field's, një nga më të mëdhatë në Skandinavi, tha kryeinspektori i Kopenhagës, Soeren Thomassen, transmeton Zeri.info.
Ai tha se viktimat përfshinin një burrë rreth të 40-tave dhe dy të rinj, pa dhënë detaje të mëtejshme.
Disa të tjerë u plagosën, tre prej tyre janë në gjendje kritike. /Zëri