Kryeministri japonez mbërrin në Kiev, pritet të takohet me Zelenskyn

Fumio Kishida ka mbërritur në kryeqytetin ukrainas për bisedime me Volodymyr Zelenskyy. Duke përfaqësuar një nga demokracitë e pasura në G7, Kishida do të shprehë mbështetjen dhe solidaritetin me Ukrainën, sipas një deklarate të ministrisë së jashtme.

Vizita e tij e papritur vjen një ditë pasi Xi Jinping, udhëheqësi kinez, u mirëprit ngrohtësisht në Moskë nga Vladimir Putin për një vizitë shtetërore tre-ditore.

Kishida do të përcjellë “respektin e tij për guximin dhe këmbënguljen e popullit ukrainas për të mbrojtur atdheun e tij”, thuhet në deklaratë.

Japonia do të presë një samit të G7 në Hiroshima në maj dhe Kishida ka thënë më parë se samiti duhet të demonstrojë një vullnet të fortë për të mbështetur rendin ndërkombëtar dhe sundimin e ligjit në përgjigje të luftës në Ukrainë. /abcnews