Tornadot godasin SHBA-në, shkaktojnë dëme të mëdha
Dhjetëra tornado e kanë goditur pjesën qendrore të Shteteve të Bashkuara të Amerikës (SHBA) të premten mbrëma, duke dëmtuar shtëpi dhe ndërtesa, si dhe duke lënduar disa njerëz, njoftuan autoritetet.
Më shumë se 70 tornado u regjistruan në gjithë vendin nga Shërbimi Kombëtar i Motit i SHBA-së, shumica e të cilave përreth Omahas në Nebraska.
Deri të premten mbrëma u raportua për disa të lënduar, por jo për të vdekur.
Tre persona u lënduan në kontin Lancaster në Nebraska, kur një tornado e goditi një ndërtesë industriale, duke e shembur kulmin e saj kur 70 njerëz ndodheshin brenda saj. Disa prej tyre kishin ngecur, por në fund të gjithë u evakuuan dhe të lënduarit janë jashtë rrezikut për jetë, thanë autoritetet.
“Ekipet e emergjencës janë duke i kontrolluar shtëpitë e dëmtuara dhe po ndihmojnë me qytetarët e lënduar”, tha Policia e Omahas në rrjetin social X.
Pamje të publikuara në rrjetet sociale e shfaqën qytetin e vogël Minden, në Ajova, të dëmtuar rëndë nga tornadot.
Rreth 11.000 shtëpi mbetën pa rrymë në Nebraska, sipas autoriteteve.
Shërbimi Kombëtar i Motit bëri shumë paralajmërime për tornado në disa shtete të Amerikës të premten, duke i paralajmëruar ato se stuhitë e fuqishme do të vazhdonin edhe të shtunën.
Tornadot janë të zakonshme në Shtetet e Bashkuara, posaçërisht në pjesët qendrore dhe jugore të vendit. /Rel
A few shots from yesterday's tornado outbreak in Nebraska & Iowa pic.twitter.com/gaJuVCpHf8
— Freddy McKinney (@FreddyMcKinneyR) April 27, 2024
#tornado
— Pearl-2024 (@Pearl_2024) April 27, 2024
Destructive tornado sweeps across the United States
The storm swept through the states of Nebraska, Iowa and Texas. Hundreds of homes were damaged and at least three were injured.
This tornado is called the most powerful in the last 2.5 years. pic.twitter.com/c99edsgslp
Omaha - Elkhorn, NE Tornado from about 212th and fort street.
— El Jefe (@JaguarsJeff) April 27, 2024
Video taken 6 minutes before it hits our house. pic.twitter.com/3VBMklQZla