Incidenti në fluturimin Londër-Singapor, drejtori i Singapore Airlines kërkon falje për “përvojën traumatike”

Drejtori i Përgjithshëm i Singapore Airlines, Goh Choon Phong ka kërkuar falje për incidentin e djeshëm në një fluturim Londër në Singapor që hasi turbulenca të rënda.

Goh ofroi “faljet e tij më të thella për të gjithë të prekurit” nga “turbulencat e papritura ekstreme” që përjetuan në fluturimin Londër-Singapor të linjës ajrore që u nis të hënën, raporton BBC, transmeton Klankosova.tv.

“Ne jemi thellësisht të pikëlluar nga ky incident,” tha Goh në një video të postuar në mediat sociale.

Ai gjithashtu ofroi “ngushëllimet e tij më të thella për familjen dhe të dashurit” e Geoff Kitchen, britanikut që vdiq gjatë incidentit.

“Na vjen shumë keq për përvojën traumatike që kaluan të gjithë në bordin e SQ321”, shtoi ai.