Ministrja gjermane për tarifat amerikane: Do ta dëmtojnë Evropën e SHBA-në

Ministrja gjermane e Ekonomisë, KatherinaëReiche, ka dhënë një paralajmërim të qartë, duke thënë se tarifat prej 30ë% mbi importet evropiane, të paralajmëruara nga presidenti i SHBA-së, Donald Trump, do të sjellin dëme jo vetëm për Evropën, por edhe për ekonominë amerikane.

Në një deklaratë të lëshuar për media, Reiche u shpreh:ë“Tarifat do të godasin rëndë kompanitë eksportuese evropiane. Ndërkohë, do të kenë një ndikim të fortë në ekonominë dhe konsumatorët në anën tjetër të Atlantikut”. Ajo po ashtu bëri thirrje për një zgjidhje reale dhe të shpejtë, për të shmangur përshkallëzimin e luftës tregtare.ë

Komisioni Evropian është vënë në lëvizje për t’u përgjigjur ndaj këtyre presioneve, duke paralajmëruar kundërmasa proporcionale ndaj tarifave amerikane. Presidentja Ursulaëvon der Leyen dhe liderë të tjerë të BE-së kanë theksuar se do të mbrojnë interesat e bllokut, duke shtuar se një marrëveshje e arsyeshme dhe dialogu me Uashingtonin para 1 gushtit janë jetike.ë

Masa e paralajmëruar nga Trump pritet të ndikojë në mënyrë të ndjeshme sektorë kyç si makineritë, prodhimi farmaceutik dhe bujqësia, çka mund të çojë në vështirësi të furnizimit dhe rritje çmimesh në të dyja anët e Atlantikut.ë

Zëvendësimi i tensioneve me dialog do të mbetet thelbësor në javët e ardhshme. Bashkimi Evropian, dhe veçanërisht Gjermania, kërkojnë një zgjidhje pragmatike për të mbrojtur ekonomitë e tyre dhe për të ndaluar dëm dhe inflacion të panevojshëm. /rtk