Izraeli kritikon Kanadanë për njohjen e Palestinës
Bota
July 31, 2025 - 12:08
Qeveria izraelite ka kritikuar planin e Kanadasë për të njohur një shtet palestinez.
Ministria e Jashtme e Izraelit tha se ky veprim ishte një “shpërblim për Hamasin”, shkruan BBC.
Njohja e një shteti të tillë “dëmton përpjekjet për të arritur një armëpushim në Gazë”, postoi ministria në rrjetin social X.
Ministri i Mbrojtjes, Israel Katz, deklaroi se planet për të njohur një shtet palestinez “i japin Hamasit inkurajim dhe e forcojnë qëndrimin e tij”.
Një shtet palestinez do të ishte një “shtet i Hamasit”, tha Ministri i Punëve të Jashtme i Izraelit, Gideon Saar, në reagim ndaj vendimit të mëparshëm të Mbretërisë së Bashkuar dhe Francës për të njohur zyrtarisht një shtet palestinez. /abcnews
