Zëvendëspresidenti i SHBA-së: Jemi lodhur duke financuar luftën në Ukrainë

Zëvendëspresidenti amerikan JD Vance tha se dëshiron paqe dhe të ndalojë financimin e luftës në Ukrainë.

“Jemi lodhur me financimin e biznesit të luftës në Ukrainë. Ne duam të sjellim një zgjidhje paqësore për këtë gjë”, tha Vance.

Më parë këtë javë, Kremlini ndau një marrëveshje armëpushimi me administratën "Trump", duke kërkuar kontrollin e Ukrainës Lindore në këmbim të ndalimit të armiqësive, shkruan "The Hill".

Presidenti ukrainas Volodymyr Zelensky kundërshtoi me forcë marrëveshjen, duke deklaruar se “Ukraina është gati për vendime të vërteta që mund të sjellin paqe”.

“Çdo vendim që është kundër nesh, çdo vendim që është pa Ukrainën, është në të njëjtën kohë vendim kundër paqes.”

Ndryshe, Trump u zotua të përfundonte konfliktin brenda 24 orësh gjatë fushatës së tij presidenciale, por negociatat kanë rezultuar më të vështira se sa pritej, dhe konflikti trevjeçar është i kushtueshëm si për SHBA-n,ë ashtu edhe për Evropën. /Telegrafi