Shkon në mbi 260 numri i të vdekurve nga uria në Gazë

Në Rripin e Gazës pesë palestinezë të tjerë, duke përfshirë dy fëmijë, kanë vdekur nga uria në 24 orët e fundit.

Drejtori i përgjithshëm i Ministrisë së Shëndetësisë në Gazë, Munir al-Bursh, informoi në lidhje me ata që kanë vdekur nga uria në Gazë.

“Vdekjet nga uria vazhdojnë në Gazë”, tha Al-Bursh, duke shtuar se pesë palestinezë të tjerë, duke përfshirë dy fëmijë, kanë vdekur nga uria dhe kequshqyerja në 24 orët e fundit.

Ai theksoi se numri i të vdekurve nga uria në Gazë që nga 7 tetori 2023 është rritur në 263, prej të cilëve 112 janë fëmijë.

Nën sulmet izraelite dhe një rrethimi të rreptë që kufizon ndihmën humanitare, Rripi i Gazës po përjeton një katastrofë humanitare, me uri të përhapur dhe mungesë uji, ilaçesh, furnizimesh mjekësore dhe furnizimesh higjienike.

Vdekjet nga uria në Rripin e Gazës, veçanërisht midis fëmijëve, janë në rritje.

Qarqet lokale dhe ndërkombëtare thonë se Izraeli po përdor “urinë dhe etjen si armë”. /AA