Polonia arreston një serbo-kanadez, kërkohej nga Kroacia për krime lufte

Rojet kufitare polake kanë arrestuar një 79-vjeçar, serbo-kanadez të kërkuar nga Kroacia sipas një Urdhër Arresti Evropian për përfshirjen e tij të dyshuar në krime lufte në vitin 1991, thanë prokurorët të mërkurën.

Kroacia thotë se i dyshuari lëshoi ëurdhra dhe mori pjesë në akte duke përfshirë ndalimin e paligjshëm, torturën dhe vrasjen e civilëve, si dhe plaçkitjen dhe zjarrvënien ndërsa shërbente në forcat paraushtarake serbe në luftërat ballkanike,raporton Reuters.

Burri, i identifikuar vetëm si Zivko Z. për shkak të ligjeve polake të privatësisë, u arrestua në aeroportin Chopin të Varshavës. Ai u deklarua i pafajshëm për veprat penale të listuara në Urdhër Arrestin Evropian, thanë prokurorët.

Prokurorët polakë i kanë kërkuar një gjykate leje për të transferuar Zivko Z. në Kroaci, ku ai përballet me deri në 20 vjet burg nëse shpallet fajtor.