Frika nga sulmet terroriste, qyteti në Gjermani ndalon tregun tradicional të Krishtlindjeve
Qyteti gjerman i Magdeburgut ka ndaluar tregun tradicional të Krishtlindjeve për shkak të frikës së rrezikut të sulmeve terroriste, raporton Bild.
Vendimi u mor nga autoritetet e Saksonisë-Anhalt, shtetit federal ku ndodhet qyteti, duke shkaktuar një konflikt me bashkinë e Magdeburgut, e cila kishte planifikuar ta mbante ngjarjen si zakonisht, transmeton Klankosova.tv
Vitin e kaluar, një burrë nga Arabia Saudite kreu një sulm terrorist në Magdeburg, duke drejtuar makinën drejt një turme dhe duke vrarë gjashtë persona, përfshirë një fëmijë.
Kryebashkiakja Simone Borris kritikoi ndalimin, duke thënë se parandalimi është përgjegjësi e shtetit dhe jo policisë.
“Nëse mbajtja e një tregu Krishtlindjesh konsiderohet si krijim i një objektivi të mundshëm për një sulm terrorist, atëherë ne në thelb po shpallim çdo festë të qytetit një kërcënim. Parandalimi i terrorizmit është përgjegjësi e shtetit dhe policisë – jo e bashkive”.
