Hungaria kërcënon veton në BE: Do të bllokojmë çdo vendim që synon përshkallimin e luftës në Ukrainë

Qeveria hungareze do të bllokojë çdo vendim të Bashkimit Evropian që synon përshkallëzimin e konfliktit të armatosur në Ukrainë dhe përfshirjen e vendeve evropiane në të, tha Ministri i Jashtëm i Hungarisë, Peter Szijjarto.

“Nëse Brukseli na shtyn drejt luftës, ne do të ushtrojmë të drejtën tonë të vetos kundër vendimeve të tij, edhe nëse na duhet të veprojmë vetëm kundër të gjitha 26 vendeve të tjera të BE-së”, tha diplomati i lartë hungarez në një tubim kundër luftës në Gyor, në veriperëndim të vendit.

“Nuk mund ta lejojmë Hungarinë dhe hungarezët të hyjnë në luftë. Ne duhet ta mbrojmë Hungarinë dhe qytetarët hungarezë nga kjo”, theksoi ai.