Turqi, Erdogani e konsideron katastrofë rënien e shkallës së lindshmërisë

Presidenti turk, Recep Tayip Erdogan mbajti sot një fjalim në Simpoziumin e Familjes dhe Kulturës, në kryeqytetin Ankara, duke vënë në dukje sfidat në rritje me të cilat po përballet institucioni i familjes.

Duke u fokusuar te sfidat ndaj familjes, Erdogan tha se ”po marrim masa kundër imponimeve të neutralitetit gjinor dhe lëvizjeve LGBT, pa lejuar asnjë lëshim apo pakujdesi”.

Ai theksoi se Turqia po e mbron familjen në një periudhë kur kapitalizmi global po hap fronte të reja, ndërsa imperializmi kulturor dhe rrethimi digjital po intensifikohen në mbarë botën.

Presidenti turk paralajmëroi gjithashtu për një krizë demografike, duke thënë se ”aktualisht po përballemi me një katastrofë”, pasi të dhënat zyrtare tregojnë se niveli i përgjithshëm i fertilitetit në vend ka rënë në 1,48 vitin e kaluar.

Erdogan tha se rënia e normës së lindshmërisë tingëllon ”si kambanë alarmi për të ardhmen tonë” dhe se ”askush që kujdeset për fatin e këtij vendi nuk mund të jetë indiferent”