Ushtria izraelite nis një operacion të madh në Bregun Perëndimor

Ushtria izraelite njoftoi sot nisjen e një “operacioni të madh” kundër grupeve të armatosura palestineze në veri të Bregut Perëndimor të okupuar.

“Gjatë natës së të mërkurës, forcat [izraelite] filluan operacionet si pjesë e një operacioni të madh kundër terrorizmit në rajonin verior” të Bregut Perëndimor, thuhet në deklaratën e ushtrisë izraelite.

Forcat izraelite “nuk do të lejojnë që terrorizmi të marrë rrënjë atje”, shtoi ushtria.

Izraeli e ka okupuar Bregun Perëndimor që nga viti 1967.

Ushtria izraelite sqaroi për AFP-në se nuk bëhet fjalë për vazhdimin e “operacionit kundër terrorizmit” të nisur në janar 2025, i cili ishte kryesisht i fokusuar te kampet e refugjatëve palestinezë në rajon, por për “një operacion të ri”. Nuk dha detaje të mëtejshme.

Overnight, the IDF, ISA, and Israel Border Police began operating as part of a broad counterterrorism operation in the area of northern Samaria.

IDF and ISA forces will not allow terrorism to take root in the area and are acting proactively to thwart it.

— Israel Defense Forces (@IDF) November 26, 2025

Dhuna në Bregun Perëndimor shpërtheu pas fillimit të luftës në Gazë, e shkaktuar nga sulmi i përgjakshëm i lëvizjes islamiste palestineze Hamas ndaj jugut të Izraelit më 7 tetor 2023.

Që prej 7 tetorit, më shumë se një mijë palestinezë – përfshirë shumë luftëtarë, por edhe shumë civilë – janë vrarë nga ushtria izraelite ose kolonët, sipas të dhënave të AFP-së të bazuara në të dhënat e Autoritetit Palestinez.

Ndërkohë, sipas të dhënave zyrtare izraelite, të paktën 43 izraelitë, përfshirë civilë dhe ushtarë, janë vrarë në sulme palestineze ose gjatë bastisjeve ushtarake izraelite.

ëCEASEFIRE VIOLATION: A terrorist was identified crossing the yellow line and approaching IDF troops in northern Gaza, posing an immediate threat.

Following identification, troops fired and eliminated the terrorist.

— Israel Defense Forces (@IDF) November 25, 2025

Dhuna në Bregun Perëndimor ka vazhduar me intensitet të pandërprerë që nga 10 tetori, kur hyri në fuqi armëpushimi në Gazë. /Telegrafi