Sulm me dron nga Ukraina drejt Rusisë, vriten katër persona e plagosen dhjetë të tjerë

Katër persona u vranë dhe dhjetë të tjerë u plagosën në një sulm me dron ukrainas ndaj një objekti në rajonin Smolensk perëndimor të Rusisë, njoftoi guvernatori Vasily Anokhin.

“Sulmi kishte në shënjestër objektin civil në Dorogobuzh. Katër punonjës të ndërmarrjes u vranë tragjikisht gjatë kryerjes së detyrave të tyre profesionale. Dhjetë u plagosën. Të gjithë të plagosurit u dërguan në spital”, raportoi kreu rajonal në kanalin e tij Max.

Sipas tij, ekipet e shpëtimit po punojnë në vendngjarje dhe e kanë vënë zjarrin nën kontroll. “Qeveria e Rajonit Smolensk do t’u ofrojë të gjithë ndihmën e nevojshme familjeve të të prekurve. Specialistë nga Shërbimi Federal për Mbikëqyrjen Mjedisore, Teknologjike dhe Bërthamore dhe Shërbimi Federal për Mbikëqyrjen e Burimeve Natyrore janë thirrur për të vlerësuar situatën”, tha Anokhini.