Pahlavi: Momente vendimtare kemi përpara

Në një video-mesazh të publikuar në rrjete sociale, Reza Pahlavi – djali i shahut të fundit të Iranit – ka thënë se “momente vendimtare kemi përpara” dhe ka pretenduar se ndihma e premtuar nga presidenti amerikan “tani ka arritur”, duke e përshkruar atë si “intervenim humanitar” që shënjestron “Republikën Islamike – aparatin e saj shtypës dhe makinerinë vrastare – dhe jo shtetin dhe kombin e mrekullueshëm të Iranit”.

Ai ka shtar se “fitorja përfundimtare do të arrihet prej nesh” dhe që “koha për t’u kthyer sërish në rrugë është afër”.

Duke iu drejtuar forcave të sigurisë, ai ka thënë se “ju jeni betuar për ta mbrojtur Iranin dhe popullin iranian, jo për ta mbrojtur Republikën Islamike”, teksa u ka bërë thirrje atyre që t’i bashkohen popullit, apo të fundosen me regjimin e liderit suprem, Ayatollah Ali Khamenei.

Pahlavi i ka bërë thirrje edhe presidentit amerikan, Donald Trump që të ketë kujdes maksimal për t’i mbrojtur jetët e njerëzve, dhe u ka thënë iranianëve të qëndrojnë nëpër shtëpitë e tyre tani për tani.

“Ne jemi shumë afër fitores përfundimtare”./Radio Evropa e Lire