Vriten gjatë natës 300 agjentë terreni të Iranit

Rreth 300 komandantë dhe zyrtarë të Basij (organizatë paramilitare iraniane) u vranë në një valë sulmesh gjatë natës ndaj qendrave kryesore komanduese dhe operacionale të forcave Basij të Iranit.

Sulmet duket se goditën strukturën logjistike dhe komanduese të një force të përdorur prej kohësh për të shtypur kundërshtimet dhe për të përballuar protestat kundër qeverisë.

Iran International raporton se në një nga sulmet më kritike, u godit një qendër riparimi dhe mirëmbajtjeje e një njësie mbështetëse të Basij.

Ky vend strehonte me qindra automjete dhe motoçikleta të përdorura në operacionet rrugore dhe patrullimet në lagje. Raportet fillestare thonë se flota u shkatërrua.

Objekte të lidhura me Korpusin Mohammad Rasoulollah, njësinë e IRGC-së (Forcat e Gardës Revolucionare Islamike) përgjegjëse për zonën e madhe të Teheranit, u goditën gjithashtu.

Njësia e sigurisë Imam Hadi, një qendër strategjike komanduese në Teheran, u dëmtua rëndë.

Batalionet e sigurisë Imam Ali, të cilat kanë luajtur një rol qendror në shtypjen e protestave, pësuan gjithashtu humbje të mëdha në personel dhe pajisje.  /abcnews