Dështon armëpushimi për Pashkë, Ukraina e Rusia akuzojnë njëra-tjetrën

Ukraina dhe Rusia kanë akuzuar njëra-tjetrën për shkelje të shumta të armëpushimit të shpallur për festën e Pashkëve Ortodokse.

Ushtria ukrainase tha se forcat ruse kanë kryer mbi 2,200 shkelje që nga nisja e armëpushimit të shtunën, ndërsa Ministria ruse e Mbrojtjes akuzoi Ukrainën për rreth 1,970 shkelje dhe disa kundërsulme.

Presidenti ukrainas, Volodymyr Zelensky, deklaroi se do të ketë përgjigje “simetrike” ndaj sulmeve, duke shprehur shpresën për zgjatjen e armëpushimit për të hapur rrugën e negociatave të paqes.

Rusia e hodhi poshtë këtë mundësi, duke paralajmëruar rifillimin e sulmeve të hënën.

Ndërkohë, të dyja palët konfirmuan shkëmbimin e 175 të burgosurve të luftës secila.