Infektuar: 17422
Shëruar: 14894
Vdekur: 657
Përfituesve të asistencës sociale u dyfishohet pagesa për tre muaj

Përfituesve të asistencës sociale u dyfishohet pagesa për tre muaj

Ekonomia September 28, 2020 - 10:25

Të gjitha familjet që përfitojnë pagesa nga asistenca sociale nga tetori do ta marrin dyfishin e kësaj page.

Kështu ka bërë të ditur sot ministri i Punës dhe Mirëqenies Sociale, Skender Reçica, i cili ka treguar për vendimin e Qeverisë për dyfishimin e pagesës së skemës së asistencës sociale për periudhën tetor - dhjetor 2020, transmeton “Zeri.info”.

“Të dashur qytetarë, po ndaj me ju një lajm shumë të mirë për të gjitha familjet që përfitojnë asistencë sociale. Në kuadër të zbatimin të programit për rimëkëmbje ekonomike, në mbledhjen e sotme të Qeverisë kemi marrë vendim për dyfishimin e pagesës së skemës së asistencës sociale për periudhën tetor - dhjetor 2020, e cila do të realizohet çdo muaj bashkë me pagesën e rregullt të kësaj skeme sociale”, ka thënë Reçica.

Reçica ka shtuar se ky vendim vjen në kohën kur këto familje kanë më së shumti nevojë për mbështetje shtesë në ketë periudhë të vështirë pandemie nëpër të cilën po kalojmë. /Zëri