![10-vjetori i Rrjetit Global të Bizneseve Shqiptare bashkon 350 biznese [foto]](/uploads/zeri.info/images/2024/May/17/auto_Lazim_Destani_copy1715950829.jpg)
10-vjetori i Rrjetit Global të Bizneseve Shqiptare bashkon 350 biznese [foto]
Sot shënohet 10-vjetori i themelimit të Rrjetit Global të Bizneseve Shqiptare dhe në nder të kësaj dite po mbahet takimi i cili ka bashkuar rreth 350 biznese nga diaspora dhe Kosova, për të shkëmbyer eksperiencat dhe për të rritur bashkëpunimet në mes bizneseve.
Kerry Monaghan-Hogler, zëvendësdrejtoresha e Misionit të USAID-it në Kosovë, tha se gjatë dekadës së fundit puna e këtij rrjeti për të bashkuar Kosovën dhe diasporën e saj rreth tregtisë ka sjellë mundësi të jashtëzakonshme për njerëzit këtu.
"Përtej kësaj, USAID-i ka parë se si këto përpjekje po e përgatisin Kosovën për të zënë vendin e merituar në skenën botërore”, deklaroi ajo.
Në hapjen solemne të pranishmit u përshëndetën nga Yll Blakaj nga degët e RRGBSH-së në Evropë, kryetar nderi i RRGBSH Lazim Destani, kryetarja e Shoqatës së Përpunuesve të drurit Arieta Pozhegu dhe kryetari i Odës Ekonomike të Kosovës, Lulzim Rafuna.
Ky event ’10 vjetori’ kurorëzon të gjitha sukseset e deritanishme të Rrjetit, i cili nga viti i themelimit ka mbledhur në Prishtinë dhe qytete tjera shqiptare qindra – mijëra biznese nga Diaspora, duke u bërë kështu faktori kryesor ekonomik që ndikoj në rritjen e eksportit që është dëshmuar vite me radhë.
![Image](https://zeri.info/uploads/zeri.info/images/2024/May/17/auto_2_copy1715950839.jpg)
![Image](https://zeri.info/uploads/zeri.info/images/2024/May/17/auto_1_copy1715950846.jpg)
![Image](https://zeri.info/uploads/zeri.info/images/2024/May/17/auto_3_copy1715950853.jpg)
![Image](https://zeri.info/uploads/zeri.info/images/2024/May/17/auto_4_copy1715950858.jpg)
![Image](https://zeri.info/uploads/zeri.info/images/2024/May/17/auto_Lazim_Destani01_copy1715950872.jpg)
![Image](https://zeri.info/uploads/zeri.info/images/2024/May/17/auto_Lazim_Destani1_copy1715950878.jpg)
![Image](https://zeri.info/uploads/zeri.info/images/2024/May/17/auto_Lazim_Destani2_copy1715950886.jpg)
![Image](https://zeri.info/uploads/zeri.info/images/2024/May/17/auto_Lazim_Destani3_copy1715950895.jpg)
![Image](https://zeri.info/uploads/zeri.info/images/2024/May/17/auto_Lazim_Destani4_copy1715950896.jpg)