Infektuar: 4715
Shëruar: 2227
Vdekur: 101
Gjendet një 38-vjeçar pa shenja jete në një shtëpi të pabanuar në Gjakovë

Gjendet një 38-vjeçar pa shenja jete në një shtëpi të pabanuar në Gjakovë

Kronika June 06, 2020 - 23:07

 

Një person është gjetur pa shenja jete në fshatin Moglicë të komunës së Gjakovës, në një shtëpi të pabanuar, shkruan “Zeri.info”.

Zëdhënësi i Policisë, Nystret Xhurkaj, ka konfirmuar rastin për Zërin.

Ai tha se viktima është gjetur i varur në litar.

"Rreth orës 20:30 minuta policia në Gjakovë ka pranuar një informatë se në fshatin Moglicë, të komunës së Gjakovës në një shtepi të pabanuar është një person i varur në litar”, njoftoi Xhurkaj.

Sipas zëdhënësit të policisë, patrulla policore së bashku me shërbimin mjekësor kanë shkuar menjëherë në vendin e ngjarjes, dhe mjeku kujdestar ka konfirmuar se personi është i vdekur.

“Personi i vdekur, B.M., është nga Gjakova dhe i moshës rreth 38 vjeçare”, shtoi Xhurkaj.

Lidhur me rastin është njoftuar prokurori kujdestar për ndërmarrjen e veprimeve të mëtutjeshme./Zëri.