Shpërthim në sheshin “Adem Jashari” në Mitrovicë, Policia jep detaje

Një shpërthim ka ndodhur në orët e para të mëngjesit të sotëm në sheshin “Adem Jashari” në Mitrovicë, ku kanë pësuar dëme materiale dy lokale që ndodhen aty.

Raportohet se lokaleve u janë dëmtuar xhamat. Rastin e ka konfirmuar zëdhënësi i Policisë për rajonin e Mitrovicës, Avni Zahiti.

Sipas Zahitit, nuk raportohet për persona të lënduar, vetëm dëme materiale.

“Rreth orës 03:20 është raportuar se në sheshin ‘Adem Jashari’ si pasojë e një shpërthimi janë dëmtuar xhamat e dy kafeneve dhe një dyqani. Përveç dëmeve materiale, nuk raportohet për të lënduar, rasti në procedurë hetimore”, tha ai.

Ende nuk dihen motivet e as autorët e sulmit.