Policia jep detaje për vrasjen e mbrëmshme në Prishtinë
Kronika
March 27, 2024 - 10:11
Policia e Kosovës ka dhënë detaje për rastin e vrasjes së një personi dhe plagosjen e një tjetrit me armë zjarri mbrëmë në rrugën “Jeronim De Rada” në Prishtinë.
Siç thuhet në raportin ditor të PK-së, e plagosura është dërguar në QKUK për trajtim dhe rasti po hetohet.
“Prishtinë 26.03.2024-21:20. Dyshohet se pas një konfrontimi në mes të dy grupeve ka ardhur deri tek gjuajtja me armë zjarri, ku si pasojë një mashkull kosovar ka vdekur, ndërsa një femër kosovare është plagosur dhe e njëjta është dërguar në QKUK. Në vendin e ngjarjes kanë dalë njesitet përkatëse policore. Lidhur me rastin dy të dyshuar meshkuj kosovarë janë në kërkim policor”, thuhet në raportin e policisë.
Me vendim të prokurorit trupi i pajetë dërgohet në IML.
