Gjendet i vdekur një person në Doblibarë të Gjakovës
Kronika
May 02, 2024 - 19:57
Një ngjarje e rëndë ka ndodhur pasditen e së enjtes në fshatin Doblibarë të Gjakovës.
Zëdhënësi i Policisë së Kosovës për Rajonin e Gjakovës, Toger Sheremet Elezaj ka deklaruar se viktima i moshës madhore është gjendur pa shenja jete në vendbanimin e tij.
“Rreth orës 16:30 është raportuar se viktima mashkull i moshës madhore është gjetur pa shenja jete në vendbanimin e tij në fshatin Doblibare-Gjakovë. Në vendin e ngjarjes kanë dalë njësitet e nevojshme policore si dhe ekipi mjekësor të cilët kanë konstatuar vdekjen e viktimës”, ka deklaruar Elezaj.
Me vendim të prokurorit të shtetit është iniciuar rast “hetim i vdekjes”, ndërsa trupi i pa jetë do të dërgohet në IML për obduksion.
