Prangoset i dyshuari në Suharekë, nën ndikim të alkoolit kanosi vëllain dhe motrën

Një person është arrestuar nga Policia e Kosovës në Suharekë, nën dyshimin për dhunë në familje.

Sipas njoftimit të PK-së thuhet se i dyshuari, ishte nën ndikim të alkoolit kur, sipas raportimeve, ka kanosur dy anëtarë të familjes së tij, vëllain dhe motrën, raporton Zeri.info.

Pas ndërhyrjes së policisë dhe intervistimit të të dyshuarit, me urdhër të prokurorit, ai është dërguar në mbajtje.

“Suharekë  01.08.2025, 21:30. Është arrestuar i dyshuari mashkull kosovar, pasi që i njëjti nën ndikim të alkoolit kishte kanosur dy viktimat vëllain dhe motrën e tij. Me vendim të prokurorit i dyshuari është dërguar në mbajtje”, thuhet në njoftimin e Policisë. /Zëri