Tre të akuzuarit për rastin “Banjska”, sot sërish para trupit gjykues

Në Gjykatën Themelore të Prishtinës sot vazhdon gjykimi ndaj Bllagoje Spasojeviqit, Vladimir Toliqit dhe Dushan Maksimoviqit për rastin “Banjska”.

Kjo seancë është paraparë të fillojë nga ora 09:30, shkruan Zeri.info.

Kujtojmë se seanca e fundit për këtë rast kishte dështuar me mungesën e paraqitjes së dëshmitares, Dragana Antonijeviq.

Për këtë dëshmitare gjykata konsideroi se nuk ka arsyetuar mungesën dhe se do të marrë vendim që nëse dëshmitarja do të shoqërohet nga organet e Policisë ose do t’i dërgohet ftesa përsëri. /Zëri