Shtetasi i huaj i kërkuar nga INTERPOL-i prangoset në Prishtinë me urdhërarrest ndërkombëtar

Njësi i specializuar FAST i Policisë së Kosovës, ka bërë të ditur se gjatë ditës së sotme ka arrestuar në Prishtinë një shtetas të huaj, i cili ishte i kërkuar nga INTERPOL-i.

Sipas njoftimit të PK-së thuhet se i njëjti kishte urdhërarrest nga një shtet tjetër, dhe dyshohet për kryerjen e veprave penale që lidhen me shfrytëzim të miturve dhe privim të paligjshëm të lirisë, raporton Zeri.info.

“Personi i arrestuar është shoqëruar për procedura të mëtejme, ndërsa me vendim të prokurorit kujdestar i është caktuar masa e ndalimit policor për 48 orë, për të vijuar pastaj me hapat e tjerë ligjorë sipas praktikave dhe marrëveshjeve ndërkombëtare për bashkëpunim policor”, thuhet në njoftimin e Policisë.

“Policia e Kosovës mbetet e përkushtuar në realizimin e detyrave ligjore dhe bashkëpunimin ndërkombëtar në funksion të sigurisë së përgjithshme dhe luftimit të krimit pa kufij”, thuhet në njoftimi e PK-së. /Zëri