Aksident mes tri veturave në hyrje të Istogut, dy persona dërgohen për trajtim mjekësor

Dy persona kanë pësuar lëndime trupore, si pasojë e përplasjes së tri veturave në mes vete, në hyrje të Istogut.

Sipas Policisë aksidenti ka ndodhur gjatë mbrëmjes së sotme rreth orës 22:00, në hyrje të Istogut

Zëdhënësi i Policisë për Rajonin e Pejës, Fadil Gashi, ka bërë të ditur për Zeri.info, se dy personat e lënduar janë dërguar për trajtim mjekësor në spitalin rajonal të Pejës.

“Njësitet përkatëse të hetuesve kanë dalë në vendin e ngjarjes dhe po merren me hetimet për të zbardhur, se çfarë ka ndodhur. Deri më tani nuk kemi informacione të tjera shtesë”, ka thënë Gashi. /Zëri