Prangoset një të dyshuar për vjedhje në Obiliq, një tjetër në kërkim

Policia e Kosovës ka njoftuar se sot është arrestuar një person i dyshuar për vjedhje të rëndë.

Sipas njoftimit të PK-së thuhet se, rasti ka ndodhur me datën 28.11.2025 në Obiliq, saktësisht në një pompë derivatesh.

“Puna e hetuesve policor ka rezultuar me identifikimin e dy personave të dyshuar. Prej të cilëve njëri është arrestuar”, thuhet në njoftim.  

Ndaj personit të arrestuar, për të cilët ekziston dyshimi i arsyeshëm se ka qenë i përfshirë në rastin e vjedhjes së rëndë, janë kryer veprimet e nevojshme procedurale, konform rekomandimeve të prokurorit të shtetit.

“Ndërkohë që personi i dytë i dyshuar po për të njëjtin rast, është në kërkim nga ana e policisë”, thuhet  në njoftimin e PK-së.