Përleshje fizike në Prishtinë, një i lënduar

Një përleshje fizike është raportuar sonte në mbrëmje në rrugën “Vëllezërit Gërvalla” në lagjen Bregu i Diellit në Prishtinë.

Me këtë rast, një person ka mbetur i lënduar dhe i njëjti ka marrë trajtim mjekësor.

Lajmin për Zeri.info e ka konfirmuar zëdhënësi i Policisë për rajonin e Prishtinës, Enis Pllana.

“Sot rreth orës 21:00 kemi pranuar informatën për një përleshje fizike në rrugën ‘Vëllezërit Gërvalla’ në Prishtinë. Policia ka dalë menjëherë në vendin e ngjarjes. Sipas informatave fillestare, një person ka pësuar lëndime trupore dhe ka marrë tretman mjekësor. Personat e përfshirë janë shoqëruar në stacion policor, ndërsa njësitet përkatëse po punojnë për sqarimin e plotë të rrethanave të rastit”, ka deklaruar Pllana . /Zëri