Zjarri përfshin një shtëpizë dhe stallë në Madanaj të Gjakovës, vetëm dëme materiale

Një zjarr ka përfshirë një shtëpizë me kuzhinë verore dhe një stallë të kafshëve në fshatin Madanaj të Gjakovës.

Sipas njoftimit të PK-së thuhet se ngjarja ka ndodhur gjatë ditës së djeshme rreth orës 15:00 në Madanaj të Gjakovës, raporton Zeri.info.

"06.03.2026 – 15:00. Madanaj Gjakovë-Ankuesja femër kosovare ka raportuar se zjarri ka kapluar një shtëpizë me kuzhinë verore si dhe një stallë të kafshëve. Në vendin e ngjarjes kanë dalë njësitë përkatëse dhe zjarrfikësit të cilët kanë lokalizuar zjarrin. Nuk raportohet për të lënduar, vetëm dëme materiale. Rasti është duke u hetuar”, thuhet në njoftimin e PK-së. /Zëri